تروح أي كافيه غالي كل يوم تدفع ٤٠ جنيه في واحد لاتيه مثلاً ده غير ١٠ ٪ ضريبة و١٤ ٪ خدمة و كل الهري ده .. تقدر تفاصل ؟! .. بتدفع زي الشاطر لأنك كده شيك و ستايلش و باشا قد الدنيا
تروح عند عربية التين الشوكي بتاعة الراجل الغلبان اللي بيزقها طول النهار في الشمس و بيتعذب بالشوك اللي بيدخل صوابعة و هو بيقشرلك تسأل عن السعر فلما تعرف ان الواحدة بكام جنيه تطلق ضحكة ساخرة بينما تلمع عيونك بلمعة النصاحة و مستكتر على الراجل انك تاخد منه العشرة بعشرين جنيه ولا حتى ٣٠ و عايز تاخدهم بعشرة !! و تفضل تحكي عن ذكرياتك اللذجة لما كنت بتجيب الخمسة بجنيه و تفاصل بينما لا يمكن مقارنة مكسب الراجل الغلبان ده بمكاسب فنجان اللاتيه ابو اربعين جنيه اللي بتدفعهم زي الشاطر و انت عارف إنه اتكلف ٥ جنيه !!
عارفين ليه بندفع للغني و بنستكتر الرزق عالفقير .. علشان إحنا مجتمع مريض و منافق و مشوه نفسياً و اجتماعياً .. بدل ماتفرح انك سبب في زيادة رزق الغلبان بتتشطر عليه .. يا خيبتك
0 التعليقات:
إرسال تعليق