مدمنين السكر

 مدمنين السكر

لازم تعرف معلومة مهمة جداً ان الانسان مش محتاج سكر ابدا نهائي كلا البته ولا بنسبة صغيرة حتى ..

انت بس في حالة ادمان زي مدمن المخدرات حرفياً..

السكر الابيض او المصنع فيسيولوجياً مابيديش غير الطاقة للجسم ، عكس البروتين و الدهون والنشويات المعقدة دول بيعملو مئات آلاف الوظائف الحيوية للجسم ومنها تحولها لجلوكوز اللي هو بيدي مصدر طاقة للجسم..

السكر هو ريد بول الجسم

إدمان السكر هي حقيقة مثبتة علمياً ، في دراسة علمية نشرت في مجلة علم الأعصاب ، درس الباحثون كيفية إدمان السكر ، ووجدوا أن السكر يؤثر على منطقة في الدماغ تسمى " نوكليوس أكومبينز " هي نفس المناطق التي تحفزها تعاطي المخدرات مثل الكوكايين، هيروين ، امفيتامينات وغيرهم ..

يعني باختصار السكر هو المخدر القانوني للبشر ...

وكل ماتاكل حلو وسكر كل مارغبتك بتزيد انك تاكل منه تاني وتالت بدون سيطرة على نفسك.

مدمن السكر مابيشبعش وشهيته مفتوحة للاكل

مدمن السكر مزاجه دايما معتل متقلب.

السن و امراض الشيخوخه بتحصل بدري لمدمن السكر

السمنة و امراض زي السكر وامراض القلب عموما مرتبطة باكل النشويات البسيطة و السكريات بكثرة.

طيب السكر فين بقى علشان نخلي بالنا:

عيش ابيض ، معجنات مخبوزات من الدقيق ، سكر صريح، اي منتج معلب عصير كيك بسكوت شوكلاته وحتى ان إدعو خالي من السكر ..

خطوات العلاج من الادمان للسكر :

- اشرب مشاريبك بدون سكر

- قلل منتجات القمح البيضاء خصوصا

- حول للكارب المعقد زي الخضار و الفاكهة و الحبوب الكاملة زي الشوفان وغيرة

- كل بروتين كافي

- اشرب ميه كفايه

- العب رياضه

- ماتبدلش بمحليات صناعية لانها طعمها حلو ١٠٠ ضعف عن السكر واكتر وعند ناس كتير بتفتح الشهية برضه

- -الصبر انت مش وراك الاولمبياد ، هاتشوف نتيجه حلوة بس الصبر ،

ابعد عن الكشك لانه مفيهوش حاجه صحيه غير الميه ودي مشكوك فيها برضه